إجراءات زيادة النسبة البنائية من ٣٨٪ الي ٤٥٪

فقط في أراضي حي أب تاون أكتوبر تقدر تزود النسبة البنائية من 38٪ إلى 45٪
بتدفع فقط حوالي 293 ألف جنيها

ايه المميزات وايه الخطوات؟

• ليس لها علاقة بوقت استخراج الرخصة وتدفع في أي وقت، علما بأنها قابلة للزيادة مع مرور السنين.
• فائدة الزيادة في المبنى: بتزود لكم في البدروم 44 متر، والأرضي 44 متر، والمتكرر 50 متر، والمتكرر الثاني 50 متر، إضافة للروف 50 متر. الكلام ده في القطع الواجهات العادية اللي ليها 3 جيران، أما في النواصي الدور المتكرر بيصلح 346 متر.
• بتريح مساحات الحجرات والريسيبشن والمطبخ بشكل ممتاز.

بتخلصها ازاي في جهاز أكتوبر؟

• بتروح جهاز مدينة أكتوبر وتقدم على طلب بـ 65 جنيها في المركز التكنولوجي بمبنى الشباك الواحد.
• بيكون معاك الأوراق بتاعة الأرض الأصول والتوكيلات.
• وبعد كده بتطلع الإدارة العقارية فوق في نفس المبنى الدور الثاني، المهندسة إيناس بتحسب لك المبلغ وبيكون حسبة المبلغ كالتالي:
  مبلغ العلاوة = مساحة الأرض بالإخطار * 0.38 * 1239
  بتطلع القيمة في حدود 293 ألف جنيها حسب المساحة بالضبط، بتفرق حاجات بسيطة من قطعة لقطعة.
• بعد كده بتنزل تدفع بالفيزا أو تعمل شيك مصرفي، طبعا ده كله في حالة الكاش.

ممكن يخلص في يومين إن شاء الله.

ضروري جدا تعمل لهذه الزيادة تكويد في المشروعات عند المهندسة هبة في الجهاز القديم حتى تظهر على السيستم.

ملحوظات هامة:

• مساحة الشقة في المتكرر صافي في حالة 38٪ بتكون 136 متر، وتباع 170 متر بنسبة تحميل 25٪.
• مساحة الشقة بعد زيادة النسبة البنائية إلى 45٪ بتكون صافي 161 متر، وتباع 202 متر بنسبة تحميل 25٪.
• بتفرق زيادة صافية 25 متر في الشقة و50 متر في الدور.
• الزيادة في حالة القطع النواصي بتجعل الشقة في المتكرر صافي 173 متر، وتباع 220 متر.

الزيادة تعتبر نقلة كبيرة جدا في جميع أراضي حي أب تاون.
بالحسابات، تبين أن هذه الزيادة ترفع قيمة المبنى بعد تكاليف دفع العلاوة وبنائهم حوالي 4 مليون جنيها.