للمساعدة
012345678910
اجراءات تنازل لقطعه ارض اب تاون :
- هتاخد رقم خدمه عملاء ساعه ٩ صباحا
- هتدخل على شباك خدمه العملاء هياخد منك اصل التوكيل + اصل توكيل حديث ( فى حال ان التوكيل تاريخه عدى عليه شهر )
- هياخدوا منك اصل اخطار التخصيص + محضر الاستلام هياخدوا اسكنر على الجهاز وهتاخدهم منهم تانى
- وهيكون معاك صور من جميع الورق
- بعدين بعد التسجيل فى شباك خدمه العملاء هتاخد اصل الورق وتروح بيه شباك ١٧ للمراجعه
- وبعدين هتروح شباك ١ للمراجعه القانونيه
- هترجع تانى للشباك الا سجلت فيه الورق ( خدمه العملاء ) هياخد منك اصل الورق
- وبعدين هيديلك ورقه تروح بيها شباك ١٧ وبعدين هتروح شباك ٤ للمراجعه الماليه وبعدين هتروح الخزينه تدفع ٦٥ جنية
- وبعدين هتاخد ٢ ايصال من الخزينه هترجع بيهم تانى شباك خدمه العملاء هياخدوا ايصال منهم وانت هتاخد التانى
- وبعدين هتاخد صوره ايصال الخزينه وتطلع عند استاذه ايناس فى دور الثانى هتقفل الطلب على الجهاز .
- وبعدين هتصور صوره الطلب الا روحت بيها للخزينه وتصور التوكيل ومحضر الاستلام والبطاقه وتطلع دور التالت عند استاذ محمد مكتب ( ٩ )
- وبعدين هتاخد صور من الطلب الا روحت بيه الخزينه وتطلع دور الرابع عند الاداره الهندسيه علشان يقفلوا الطلب على الكمبيوتر
